मुंबई : आयपीएल 2023 मध्ये आज मुंबई इंडियन्स विरुद्ध कोलकाता नाइट रायडर्स यांच्यात सामना सुरु आहे. वानखेडे स्टेडियमवर होत असलेल्या या सामन्यात भारताचा माजी क्रिकेटर सचिन तेंडुलकरचा मुलगा अष्टपैलू खेळाडू अर्जुन तेंडुलकर याचे आयपीएलमध्ये पदार्पण झाले आहे. मुंबई इंडियन्सने तब्बल 2 वर्षानंतर अर्जुन तेंडुलकरला प्लेयिंग 11 मध्ये संधी दिली आहे.
मुंबई इंडियन्सचे होम ग्राउंड असलेल्या वानखेडे स्टेडियमवर आयपीएल 2023 मधील 22 वा सामना मुंबई इंडियन्स विरुद्ध कोलकाता नाइट रायडर्स यांच्यात खेळवला जात आहे. या सामन्यातून 23 वर्षांचा अष्टपैलू खेळाडू अर्जुन तेंडुलकर याला आयपीएलमध्ये पदार्पणाची संधी मिळाली आहे. अर्जुन तेंडुलकर हा मास्टरब्लास्टर सचिन तेंडुलकरचा मुलगा असून मुंबई इंडियन्स कडून तब्बल २ वर्षांनी त्याला प्लेयिंग 11 मध्ये संधी देण्यात आली आहे.
Captain Rohit Sharma gave the debut cap to Arjun Tendulkar !! 💙
— Tanay Vasu (@tanayvasu) April 16, 2023
