बंगळुरू 08 मे : कर्नाटकातील विधानसभा निवडणूका मोसम जिंकण्यासाठी भाजपने सर्व ताकद पणाला लावली आहे. केंद्रीय गृहमंत्री अमित शहा यांनी रविवारी कर्नाटकातील दोड्डाबल्लापुरा आणि बेळगावी येथे मेगा रोड शो केला. यादरम्यान त्यांनी न्यूज 18 यूपी-यूके, एमपी-सीजी, राजस्थानचे व्यवस्थापकीय संपादक अमिश देवगण यांच्याशी खास संवाद साधला. यावेळी त्यांनी कर्नाटकात पूर्ण बहुमताने सरकार स्थापन करण्याबाबत सांगितलं. त्याचवेळी बजरंग दलावर बंदी घालण्याबाबत काँग्रेसच्या जाहीरनाम्यावर म्हटलं की, काँग्रेस नेहमीच तुष्टीकरणाचं राजकारण करतं.
कर्नाटकातील निवडणुकीच्या परिस्थितीवर भाजपचे स्टार प्रचारक अमित शहा यांनी दावा केला की, इथे पूर्ण बहुमताने डबल इंजिनचे सरकार स्थापन होणार आहे. ते म्हणाले की, कर्नाटकात पीएम मोदी आणि भाजपच्या कार्यक्रमांचे स्वागत होत आहे. या निवडणुकीत भाजपने सर्वाधिक 110 जागा जिंकल्या होत्या, यावेळी तो आकडाही ओलांडणार आहे. बजरंगबलीचा मुद्दा आणि काँग्रेसने बजरंग दलावर घातलेली बंदी तसंच भाजपच्या वतीने हे थेट बजरंगबलीशी जोडल्याच्या प्रश्नावर बोलताना अमित शाह म्हणाले, की हे भाजपने जोडलेलं नाही, हे तर कर्नाटकच्या जनतेने जोडलं आहे. ..
VIDEO : काँग्रेस नेत्याने थेट घरात घुसून केला गोळीबार, धक्कादायक कारण समोर
काँग्रेसच्या तुष्टीकरणाचं राजकारण आणि मुस्लिमांना 4 टक्के आरक्षण या प्रश्नावर केंद्रीय गृहमंत्री अमित शहा म्हणाले की, काँग्रेस आजपासून नव्हे तर वर्षानुवर्षे तुष्टीकरणाचे राजकारण करत आहे. आपल्या राज्यघटनेत धर्माच्या आधारावर आरक्षणाची तरतूद नाही. त्यामुळे मतदारांची दिशाभूल करण्यासाठी काँग्रेस असं म्हणत आहे, असं माझं स्पष्ट मत आहे. ते हे करू शकत नाहीत आणि करू शकणार नाहीत.
‘भारतीय जनता पक्षाने 4 वर्षांपूर्वी डकैती करून सरकार हिसकावले’ या सोनिया गांधींच्या वक्तव्यावर अमित शहा म्हणाले, सोनियाजींच्या प्रत्येक गोष्टीवर मी प्रतिक्रिया देऊ शकत नाही. त्यांना जे योग्य वाटेल ते त्यांच्या सभेत बोलावे. दुसरीकडे, जगदीश आणि लक्ष्मण यांच्या काँग्रेसमध्ये प्रवेश करण्यावर अमित शहा म्हणाले की, त्याचा काहीही परिणाम होणार नाही. हे दोघेही मोठ्या फरकाने निवडणूक हारत आहेत.
बसवराज बोम्मई यांना मुख्यमंत्रीपदाचे उमेदवार घोषित करण्याबाबत आणि तेच पुढेही कायम राहण्याबाबत अमित शाह म्हणाले, बोम्मई आमचे मुख्यमंत्री आहेत. आता काय घोषणा करायची… पुढे कोण मुख्यमंत्री होणार हा नंतरचा विषय आहे. ते आजही मुख्यमंत्री आहेत. ‘द केरळ स्टोरी’ या चित्रपटावर येणाऱ्या प्रतिक्रियेवर अमित शाह म्हणाले की, ही एक सामाजिक समस्या आहे आणि त्याकडे डोळेझाक करून बघू नये, हे मला मान्य आहे. त्याचा सामना केला पाहिजे आणि त्यावर उपायही शोधला पाहिजे.
मराठी बातम्या, ब्रेकिंग न्यूज मराठीत सर्वात आधी News18 लोकमतवर.
आजच्या ताज्या बातम्या, लाइव्ह न्यूज अपडेट, सर्वात आधी वाचा विश्वासार्ह मराठी न्यूज वेबसाइट News18 लोकमतवर.
