आशुतोष तिवारी, प्रतिनिधी
रीवा, 1 मे : मध्य प्रदेशातील रिवा जिल्ह्यात एकीकडे अवैध ड्रग्ज विक्रेते पोलिसांना आव्हान देत आहेत. दुसरीकडे तरुणांनी पोलिसांची झोप उडवली आहे. सध्या सोशल मीडियावर एक व्हिडिओ मोठ्या प्रमाणात व्हायरल होत आहे, ज्यामध्ये काही तरुण एका व्यक्तीला बेदम मारहाण करत आहेत. किरकोळ कारणावरून वाद सुरू झाल्याचे सांगण्यात येत आहे.
काय आहे संपूर्ण प्रकरण –
ही घटना शारदापुरम, पोखरी टोला येथील नवीन बसस्थानकाजवळील त्याच पोलीस ठाण्याच्या हद्दीतील आहे. हा व्हायरल व्हिडिओ तिथला असल्याचे सांगितले जात आहे. तर पोलिसांनी याप्रकरणी गुन्हा दाखल करून तपास सुरू केला आहे.
व्हायरल झालेल्या व्हिडिओमध्ये परिसरातील काही तरुण एका तरुणाला बेदम मारहाण करताना दिसत आहेत. आरोपी दारूच्या नशेत असल्याचे सांगण्यात येत आहे. आरोपींनी त्यांच्याच शेजाऱ्याला मारहाण केली. शेजारी हा गाडीची साउंड सिस्टीम ठीक करत होता, त्यामुळे स्पीकर वाजत होता. म्हणून तरुणांनी त्याला मना केले. पण तरीही तो असेच करत राहिला. यामुळे दारूच्या नशेत असलेल्या तरुणांनी रागाच्या भरात त्याला बेदम मारहाण केली.
या घटनेबाबत स्टेशन प्रभारी जेपी पटेल यांनी सांगितले की, शेजारच्या काही तरुणांनी ही घटना घडवली. तसेच या घटनेचा व्हिडिओ सीसीटीव्ही कॅमेऱ्यात कैद झाला आहे. या प्रकरणाची माहिती मिळाल्यानंतर एफआयआर दाखल करण्यात आला आहे. लवकरच आरोपी पकडले जातील, अशी माहिती त्यांनी दिली.
मराठी बातम्या, ब्रेकिंग न्यूज मराठीत सर्वात आधी News18 लोकमतवर.
आजच्या ताज्या बातम्या, लाइव्ह न्यूज अपडेट, सर्वात आधी वाचा विश्वासार्ह मराठी न्यूज वेबसाइट News18 लोकमतवर.
