आशीष कुमार, प्रतिनिधी
पश्चिम चम्पारण, 20 मे : बिहारच्या वाल्मिकी व्याघ्र प्रकल्पाच्या मंगुराहा रेंजमधून एक मोठी बातमी समोर येत आहे, जिथे एक वाघ जंगलातून बाहेर आला आणि घरात घुसला. मात्र, माहिती मिळताच वनविभागाचे पथक घटनास्थळी पोहोचले, त्यानंतर पथकाने बचावकार्य केले. यात कोणताही अनुचित प्रकार घडू नये यासाठी सर्वप्रथम वनविभागाच्या पथकाने आजूबाजूची घरे रिकामी केली.
चुकूनही वाघासमोर कुणी व्यक्ती आला असता तर परिस्थिती अत्यंत गंभीर होऊ शकली असती. या सर्व बाबी लक्षात घेऊन घटनास्थळापासून पुरेसे अंतर राखण्याचे आवाहन पथकाने केले आहे. दरम्यान, अनेक तासांच्या प्रयत्नानंतर वाघाला शांत करून रेस्क्यू करुन वाचवण्यात यश आले.
घरात घुसला वाघ अनं…
डीएफओ प्रद्युम्न गौरव यांच्या म्हणण्यानुसार, ही घटना व्हीटीआरच्या मंगुराहा नवका टोला गावाशी संबंधित आहे, जिथे एक वाघ वाल्मिकी व्याघ्र प्रकल्पाच्या जंगलातून बाहेर आला आणि निवासी भागात पोहोचला. शनिवारी पहाटे चार वाजण्याच्या सुमारास वाघ कमलेश ओराव यांच्या घरात शिरताच कुटुंबीयांमध्ये एकच गोंधळ उडाला.
कमलेश उरांव, त्यांची पत्नी व दोन्ही मुले कसेतरी भिंत ओलांडून घराबाहेर पडले. यानंतर संपूर्ण गावात आरडाओरडा सुरू झाला. वाघ घरात घुसताच ग्रामस्थांमध्ये चेंगराचेंगरी झाली. काही त्यांच्या गच्चीवर चढले तर काही घर सोडून शहराच्या दिशेने पळू लागले.
गावचे उपप्रमुख नागेंद्र मौर्य यांनी सांगितले की, लवकरच ही बाब वनविभागाला कळवण्यात आली. त्यानंतर वनविभागाचे पथक घटनास्थळी पोहोचले. डीएफओ प्रद्युम्न गौरव, वन प्रमुख नेसामणी, रेंजर सुनील कुमार पाठक यांच्यासह वन कर्मचाऱ्यांचे पथक घटनास्थळी पोहोचले आणि त्यांनी वेढा घालण्यास सुरुवात केली आणि कोणतीही हानी न होता वाघाला जेरबंद करण्यासाठी रणनीती आखण्यास सुरुवात केली. अनेक तासांच्या अथक परिश्रमानंतर अखेर वाघाला जेरबंद करण्यात आले. बचाव कार्यादरम्यान कोणत्याही प्रकारची अनुचित घटना घडली नाही ही दिलासादायक बाब आहे, असेही ते म्हणाले.
मराठी बातम्या, ब्रेकिंग न्यूज मराठीत सर्वात आधी News18 लोकमतवर.
आजच्या ताज्या बातम्या, लाइव्ह न्यूज अपडेट, सर्वात आधी वाचा विश्वासार्ह मराठी न्यूज वेबसाइट News18 लोकमतवर.
