मुंबई, 22 मे : आज राष्ट्रवादीचे प्रदेशाध्यक्ष जयंत पाटील हे चौकशीसाठी ईडी कार्यालयात उपस्थित राहणार आहेत. या पार्श्वभूमीवर कार्यकर्त्यांकडून राष्ट्रवादीच्या कार्यालयाबाहेर गर्दी करण्यात आली आहे. राज्याच्या सत्तासंघर्षाच्या निकालाच्या दिवशीच जयंत पाटील यांना ईडीकडून नोटीस पाठवण्यात आली होती. ऐन सत्तासंघर्षाच्या निकाला दिवशीच जयंत पाटील यांना ईडीकडून नोटीस आल्यानं या प्रकरणाची चांगलीच चर्चा रंगली.
त्यांना 15 मे रोजी ईडीकडून चौकशीसाठी बोलावण्यात आले होते. मात्र त्यानंतर चौकशीची तारीख पुढे ढकलण्यात आली. अखेर आज जयंत पाटील चौकशीसाठी ईडी कार्यालयात हजर राहणार आहेत. आयएफएससी कंपनीसंदर्भात ईडीकडून ही नोटीस पाठवण्यात आली आहे.
तुमच्या शहरातून (मुंबई)
जयंत पाटील यांची प्रतिक्रिया
दरम्यान जयंत पाटील यांना नोटीस आल्यनंतर त्यांनी या प्रकरणावर प्रतिक्रिया दिली होती. ज्या कंपनीच्या नावाने मला ही नोटीस आली आहे, त्या कंपनीशी माझा संबंध नसल्याचं जयंत पाटील यांनी म्हटलं आहे. माझ्या लग्नाचा वाढदिवस होता. त्याच दिवशी ईडीने मला नोटीस पाठवली. सध्याकाळी पाच वाजता सही झाली आणि सहा वाजता ती नोटीस माझ्या घरी आली. त्या नोटीसीमध्ये काही कारण सांगितलेलं नाही. पण त्याचा फाईल नंबर काढून बघितला तर असं दिसतंय की आयएफएससी नावाची कुठली तरी संस्था आहे आणि त्या संबंधात काही केस आहे.
राष्ट्रवादीचे आमदार फुटणार? भाजपच्या बड्या नेत्याचा खळबळजनक दावा
या संस्थेशी माझा कधी काही संबंध आला नाही. या संस्थेच्या दारातही मी कधी गेलो नाही. कधी कोणाशी काही बोललो नाही. त्यामुळे या संस्थेशी संबंध येण्याचा प्रश्न नाही. मात्र लग्नाच्या दिवशीच एका हवालदारानेही नोटीस दिली. आता नोटीस आली म्हटल्यावर चौकशीला सामोरे जाऊ, असं जयंत पाटील यांनी म्हटलं होतं.
मराठी बातम्या, ब्रेकिंग न्यूज मराठीत सर्वात आधी News18 लोकमतवर.
आजच्या ताज्या बातम्या, लाइव्ह न्यूज अपडेट, सर्वात आधी वाचा विश्वासार्ह मराठी न्यूज वेबसाइट News18 लोकमतवर.
