देवळात कोपऱ्यात बसून केला अभ्यास अन् पठ्ठयानं थेट घेतली रेल्वेत नोकरी

मुंबई, 17 मे: असं म्हटलं जातं की, एखादी गोष्ट हवी असेल तर संपूर्ण विश्व ती जुळवण्याचा प्रयत्न करते. बोन्था तिरुपती रेड्डी यांचीही अशीच कहाणी आहे. बोन्था तिरुपती रेड्डी, 27, यांना अत्यंत कमी संसाधनांमध्ये दोनदा रेल्वेत सरकारी नोकरी मिळाली. बोन्था रेड्डी यांना सरकारी नोकरीची तयारी करावी लागली. पण कोणत्याही कोचिंगमध्ये जाण्यासाठी त्याच्या कुटुंबाकडे पुरेसे पैसे नव्हते. आंध्र प्रदेशातील प्रकाशम जिल्ह्यातील पोसुपल्ली गावातील बोन्था रेड्डी यांना कोणत्याही कोचिंगशिवाय रेल्वेत दोन नोकऱ्या मिळाल्या. पण हे सगळं मिळवणं इतकं सोपं नव्हतं यासाठी त्यांना प्रचंड मेहनत घ्यावी लागली. जाणून घीऊया त्यांचीच कहाणी.

यूट्यूब वरून परीक्षेची तयारी

बोन्था रेड्डी यांच्याकडे फारच कमी संसाधने होती पण त्यांनी संसाधनांचा चांगला वापर केला. रेड्डी यांनी यूट्यूबच्या माध्यमातून स्पर्धा परीक्षांची तयारी केली. त्यांनी विविध यूट्यूब चॅनलद्वारे जीके आणि रिझनिंगची तयारी केली.

10वी, 12वीनंतर टॉपला न्यायचंय करिअर? मग निकालाची वाट बघू नका; आताच सुरु करा ‘हे’ कोर्सेस

पदवीनंतर आरआरबीची तयारी

बोन्था तिरुपतीने गणित, भौतिकशास्त्र आणि संगणक शास्त्रातून पदवी प्राप्त केली आहे. पदवीनंतर त्यांनी आरआरबीची तयारी सुरू केली. बर्‍याच मेहनतीनंतर, त्यांनी दक्षिण-पश्चिम रेल्वे, बेंगळुरू विभागात ग्रेड-IV सहाय्यक आणि एक व्यावसायिक कम तिकीट लिपिक म्हणून दोन नोकऱ्या मिळवल्या.

जॉबसाठी एकही परीक्षा नाही थेट होणार मुलाखत, मुंबई विमानतळ इथे तब्बल 480 जागांसाठी भरतीची घोषणा

मंदिरात केला अभ्यास

बोन्था रेड्डी यांनी सांगितले की, कुटुंबाची आर्थिक परिस्थिती चांगली नव्हती, म्हणून त्यांनी वडिलांना शेतीत मदत करण्याचा आणि परीक्षेची तयारी करण्याचा निर्णय घेतला. म्हणूनच कोचिंगला गेलो नाही. घरातील मोबाईल नेटवर्क चांगले नसल्याचे त्यांनी सांगितले. त्यामुळेच त्यांनी शेताजवळ बांधलेल्या मंदिराचा अभ्यासासाठी वापर केला. तिरुपती रेड्डी यांच्या म्हणण्यानुसार, तो रोज 10 ते 12 तास अभ्यास करत असे. तो संध्याकाळी 7 ते 11 या वेळेत यूट्यूबवर क्लासेस हजर राहायचा आणि त्याच्या नोट्स तयार करायचा.