देवी म्हणून पूजत होते पण अंडरवर्ल्ड कनेक्शनमुळं अभिनेत्रीचं आयुष्य झालं उद्धवस्त

ममता कुलकर्णी शाळेत असताना तिच्या आईला वृत्तपत्राच्या माध्यमातून कळले की, एक जाहिरात एजन्सी मॉडेलिंगसाठी नवीन चेहऱ्याच्या शोधात आहे. जेव्हा आई तिला जाहिरात एजन्सीकडे घेऊन गेली तेव्हा ते ममतावर खूप प्रभावित झाले. त्यानंतर तिला मॉडेलिंगच्या अनेक ऑफर्स येऊ लागल्या. मॉडेलिंगमधून ती सिनेसृष्टीत आली. (फोटो साभार: Instagram@onlybollywoodmasti@bollywoodyaadein)

ममताने 1991 मध्ये ‘ननबरगल’ या दाक्षिणात्य चित्रपटातून अभिनय क्षेत्रात पदार्पण केले होते. त्याच वर्षी तिचा पहिला बॉलिवूड चित्रपट ‘मेरा दिल तेरे लिए’ प्रदर्शित झाला. त्यानंतर 1992 साली ‘प्रेम शिकारम’ हा चित्रपट प्रदर्शित झाला, ज्यामुळे ही अभिनेत्री रातोरात स्टार झाली. मिळालेल्या माहितीनुसार, ममतांच्या चाहत्यांनी हैदराबादमध्ये एक मंदिर बांधले होते. देवीप्रमाणे तिची पूजा केली जात होती. (फोटो साभार: Instagram@realmamtakulkarni_)

स्टारडस्ट मॅगझिनसाठी ममतांनी टॉपलेस फोटोशूट केलं होतं, त्यामुळं चाहत्यांना मोठा धक्का बसला. यानंतर तिला वादांनी घेरले आणि तिने केलेल्या कृत्याची तिला लाज वाटू लागली. लहरें मेट्रोला दिलेल्या मुलाखतीत तिनं याबद्दल माफी मागितली होती. लोकांमध्ये तिची प्रतिमा वेगळी होती. टॉपलेस फोटोंमुळे लोकांनी 20 रुपयांचं स्टारडस्ट मॅगझिन 100-100 रुपये देऊन विकत घेतल्याचं सांगितलं जातं

राजकुमार संतोषी यांनी ‘चायना गेट’ या चित्रपटातून ममता कुलकर्णीला काढले तेव्हा तिचे अंडरवर्ल्ड कनेक्शन समोर आले. जेव्हा डॉन छोटा राजनचा धमकीचा फोन राजकुमार संतोषीला गेला तेव्हा त्याला पुन्हा ममता कुलकर्णीला कास्ट करावे लागले. हा चित्रपट फ्लॉप ठरला आणि ममताची मुख्य भूमिकेत असूनही काही फरक पडला नाही. त्यानंतर ममतांनी राजकुमार संतोषी यांच्यावर कास्टिंग काऊच आणि इतर चित्रपटांमधून काढून टाकल्याचा आरोप केला. (फोटो साभार- Instagram@mamtakulkarniofficial____)

ममता आणि छोटा राजनच्या अफेअरची बरीच चर्चा झाली होती. खरं तर छोटा राजनला ज्या पद्धतीने ममताला सिनेमे मिळवून देत असत, त्यामुळे त्यांच्यात एक प्रकारचं नातं असल्याचं लोकांना वाटू लागलं होतं.

‘कभी हम कभी तुम’ या चित्रपटानंतर ममता एकाही चित्रपटात दिसली नाही. त्यानंतर ती छोटा राजनचा साथीदार विकी गोस्वामीसोबत दुबई आणि केनियामध्ये राहत असल्याचे समोर आले होते. त्यानंतर 2013 मध्ये साध्वीच्या वेशभूषेतील ममतांचा एक फोटो समोर आला होता.