मुंबई, 23 मे: आज दिनांक २३ मे २०२३.. मंगळवार. आज ज्येष्ठ शुक्ल चतुर्थी. विनायकी चतुर्थी.अंगारक योग. चंद्र आज मिथुन राशीत भ्रमण करेल. पाहूया आजचे बारा राशींचे राशी भविष्य.
मेष
कर्क राशीतील मंगळ चतुर्थ स्थानात असून .गृह ,वाहन आणि मातृ पितृ स्वास्थ्याबाबत सावध राहा. घरामध्ये सत्संग घडेल. जास्तीची जबाबदारी पार पाडाल. शारीरिक ताण वाढेल. कुटंब आणि आर्थिक दृष्ट्या मध्यम दिवस.
वृषभ
तृतीय मंगळ भावंडांशी जपून रहा,त्यांची काळजी घ्या असे सुचवीत आहे.अचानक प्रवासाचे योग येतील.. नकारात्मक वातावरण राहिल. कार्यालयीन कामा निमित्त प्रवास , भावंड भेट संभवते. तृतीय चंद्र आहे .मित्र सोबत असेल. दिवस सुखद.
मिथुन
चंद्र शुक्र आज राशी स्थानात असून व्यावसायिक लाभ होतील. .खर्च देखील होतील. धन स्थानात मंगळ आला आहे. आर्थिक दृष्ट्या जपून रहा. कार्य करताना विचार करा. कौटुंबिक दृष्ट्या बरा दिवस.
कर्क
चंद्र काही निर्णय बाबत चिंता निर्माण करेल. ताण अनुभव कराल. कौटुंबिक जीवन मध्यम राहील. गुरूचे पाठबळ आहे . शनि नकारात्मक वातावरण करेल . राशीत मंगळ आलेला आहे . प्रकृती जपून काम करा. दिवस मध्यम.
सिंह
राशीच्या लाभस्थानात चंद्र आर्थिक लाभ, प्रवास दाखवीत आहे .राशीच्या समोर शनी जोडीदाराला त्रासदायक ठरेल.भाग्य स्थानातील ग्रहांचा प्रभाव मन :स्वास्थ्यावर होईल. आर्थिक दृष्ट्या मध्यम दिवस.
कन्या
समाज आणि शैक्षणिक क्षेत्रात नवीन संधी मिळतील. संतती सुख मिळेल. चंद्र अधिकारी वर्गाची भेट घडवून आणेल. तसेच आर्थिक लाभ होतील. . आरोग्याचे प्रश्न कमी होतील. दिवस उत्तम.
वैवाहिक जीवनात निराश आहात, या वास्तु टिप्सनीही दूर होतील समस्या
तुला
दशम मंगळ व्यावसायिक जीवनात घडामोडी घडवून आणेल. नवीन संधी मिळेल. शुक्राचा प्रभाव जाणवेल. कार्य क्षेत्रात नवीन संधी मिळतील .जबाबदारी येईल. संतती कडे लक्ष द्या . प्रवासात जपून रहा. दिवस चांगला.
वृश्चिक
चंद्र अष्टम स्थानात आहे . त्यामुळे वृश्चिक व्यक्ती अनेक ठिकाणाहून कष्ट प्राप्त करतील.. संततीसुख मिळेल. वैवाहिक जीवनात वादळ येऊ शकते. चंद्र प्रवास. व्यवसाय, बंधुभेट यासाठी फळ देईल .
धनू
कुठल्याही संकटातून गुरू बचाव करेल.संतती आणि शैक्षणिक लाभ मिळेल. पंचम गुरू व्यवसाय व घरात जास्तीचे काम देईल . अष्टमात मंगळ आहे जवळपासचे प्रवास योग येतील. वैवाहिक जीवन उत्तम राहील. प्रकृती ठीक राहील.. दिवस मध्यम.
मकर
षष्ठ चंद्र आणि सप्तम मंगळ यांच्या उपस्थिती मुळे प्रवास योग येतील.. रक्त विकार असतील तर काळजी घ्या. चंद्र नातेवाईक भेट घडवेल. प्रवास योग येतील . संतती आणि जोडीदारासोबत आनंदाने दिवस घालवाल.
प्रेमात सहसा अयशस्वी होतात या राशी, रिलेशनशिपवरून कायम असतात संभ्रमात
कुंभ
कुंभ रास, आज पंचम चंद्रशुक्र योगामुळे संतती बाबीत विशिष्ट घडामोडी करणार आहे. प्रकृती जपा. नातेवाईक भेट होईल . यश मिळेल. लाभ होतील . व्यवसाय नोकरी साठी मध्यम दिवस.
मीन
राशी स्वामी गुरु शुभ आहे. शुक्राची चतुर्थ स्थानातील उपस्थिती मुळे आर्थिक लाभ, कला, सामाजिक जीवनात यश असा हा काळ आहे. वैवाहीक जीवनात सुख मिळेल.चतुर्थ चंद्र वाहन ,वास्तू बाबीत लाभ देईल. दिवस शुभ.
शुभ भवतू!!
मराठी बातम्या, ब्रेकिंग न्यूज मराठीत सर्वात आधी News18 लोकमतवर.
आजच्या ताज्या बातम्या, लाइव्ह न्यूज अपडेट, सर्वात आधी वाचा विश्वासार्ह मराठी न्यूज वेबसाइट News18 लोकमतवर.
