नैरोबी, 24 एप्रिल : केनियामधून एक धक्कादायक घटना समोर आली आहे. ईश्वराला प्रसन्न करण्यासाठी केनियातील धर्मगुरूच्या उपदेशावरून अनेक दिवस उपवास केल्यानं तब्बल 47 लोकांचा मृत्यू झाला आहे. या मृतदेहांमध्ये बालकांचेही मृतदेह आहेत. केनियातील मालिंदी शहरानजीक शाकाहोला परिसरातल्या जंगलामध्ये हे मृतदेह पुरले होते. आतापर्यंत 47 मृतदेह पोलिसांच्या हातील लागले आहेत. मृतांचा आकडा आणखी वाढण्याची भिती पोलिसांकडून वर्तवण्यात आली आहे. या घटनेनंतर ईश्वरप्राप्तीसाठी उपवास करण्यास सांगणाऱ्या त्या धर्मगुरुला पोलिसांनी अटक केली आहे.
धर्मगुरूला अटक
घटनेबाबत अधिक माहिती अशी की, केनियातील धर्मगुरू पॉल मॅकेन्झी यांने आपल्या अनुयायांना ईश्वरप्राप्तसाठी उपवास करण्यास सांगितलं होतं. धर्मगुरुवर विश्वास ठेवून त्याच्या अनुयायांनी अनेक दिवस उपवास केला. मात्र या उपवासामुळे अनेकांचा मृत्यू झाला आहे. पोलिसांना आतापर्यंत केनियातील मालिंदी शहरानजीक शाकाहोला परिसरातल्या जंगलामध्ये 58 थडगे आढळून आले आहेत. आतापर्यंत 47 जणांचे मृतदेह पोलिसांच्या हाती लागले असून, मृतांचा आकडा आणखी मोठा असू शकतो असं पोलिसांनी म्हटलं आहे. थडग्यांमधून मृतदेह काढून ते शवविच्छेदनासाठी पाठवण्याचा काम सुरू आहे. या प्रकरणातील धर्मगुरू पॉल मॅकेन्झी याला अटक करण्यात आली आहे.
ईश्वरप्राप्तीसाठी उपवास
पोलिसांना जंगलात एकाचवेळी 58 थडगे आढळून आले होते. पोलिसांनी या प्रकरणात तपास सुरू केला असता धक्कादायक माहिती समोर आली. धर्मगुरूने ईश्वरप्राप्तीसाठी उपवास करण्याचा संदेश दिला होता. त्यावर विश्वास ठेवून केनियातील तीन गावातील लोकांनी अनेक दिवस उपवास केला. यामुळे हे सर्व मृत्यू झाल्याची माहिती पोलिसांना मिळाली, अखेर या धर्मगुरुला अटक करण्यात आली आहे.
मराठी बातम्या, ब्रेकिंग न्यूज मराठीत सर्वात आधी News18 लोकमतवर.
आजच्या ताज्या बातम्या, लाइव्ह न्यूज अपडेट, सर्वात आधी वाचा विश्वासार्ह मराठी न्यूज वेबसाइट News18 लोकमतवर.
