अहमदाबाद, 30 मे : आयपीएल 2023 मधील अंतिम सामना आज चेन्नई सुपरकिंग्स विरुद्ध गुजरात टायटन्स यांच्यात पारपडला. यासामन्यात चेन्नई सुपरकिंग्सने गुजरातचा पराभव करून पाचव्यांदा आयपीएलच्या ट्रॉफीवर नाव कोरल आहे. चेन्नईने अंतिम सामन्यात 5 विकेट्सने विजय मिळवला आहे.
अहमदाबाद येथील नरेंद्र मोदी स्टेडियमवर चेन्नई सुपरकिंग्स विरुद्ध गुजरात टायटन्स यांच्यात अंतिम सामना रंगला. यासामन्यात सुरुवातीला टॉस जिंकून चेन्नई सुपरकिंग्सचा कर्णधार एम एस धोनीने प्रथम गोलंदाजीचा निर्णय घेतला. तेव्हा गुजरात टायटन्सने प्रथम फलंदाजी करून 20 ओव्हरमध्ये 4 विकेट्स देऊन 214 धावा केल्या. यात गुजरात टायटन्सकडून सर्वाधिक 96 धावा साई सुदर्शन याने केल्या. साई सुदर्शन वगळत शुभमन गिलने 39 रिद्धिमान साहाने 54 तर हार्दिक पांड्याने 21 धावा केल्या. तर चेन्नईच्या गोलंदाजांपैकी मेथीशा पथीरानाने 2 आणि दीपक चहर आणि जडेजाने प्रत्येकी 1 विकेट घेतली.
गुजरातने विजयासाठी 20 ओव्हरमध्ये 215 धावांचे आव्हान दिले असताना ते पूर्ण करण्यासाठी चेन्नई सुपरकिंग्सचे फलंदाज मैदानात आले. परंतु पहिली ओव्हर सुरु होताच मैदानावर पावसाचे आगमन झाले. काहीवेळातच पाहूस थांबला परंतु पावसामुळे मैदानावरील काही भाग ओला झाल्याने सामना तब्बल २ तास उशीरा म्हणजे रात्री 12 वाजून 10 मिनिटाने सुरु करण्याचा निर्णय घेण्यात आला. सामना उशिरा सुरु होत केल्याने ही मॅच 15 ओव्हरची करण्यात आली. त्यामुळे चेन्नई सुपरकिंग्सला विजयासाठी 15 ओव्हरमध्ये 171 धावांचे टार्गेट देण्यात आले आहे.
चेन्नई सुपरकिंग्सला 171 धावांचे टार्गेट मिळाले असताना पुन्हा एकदा चेन्नईकडून ऋतुराज गायकवाड आणि डेवोन कोनवेची जोडी सलामीसाठी मैदानात उतरली. चेन्नईकडून ऋतुराज गायकवाडने 26, डेवोन कॉनवेने 47, शिवम दुबेने 32, अजिंक्य रहाणेने 27, अंबाती रायडूने 19, तर रवींद्र जडेजाने 15 धावा केल्या. शेवटच्या बॉलवर 4 धावांची आवश्यकता असताना रवींद्र जडेजाने चौकार ठोकत चेन्नईला ही मॅच जिंकून दिली.
मराठी बातम्या, ब्रेकिंग न्यूज मराठीत सर्वात आधी News18 लोकमतवर.
आजच्या ताज्या बातम्या, लाइव्ह न्यूज अपडेट, सर्वात आधी वाचा विश्वासार्ह मराठी न्यूज वेबसाइट News18 लोकमतवर.
