मुंबई, 27 एप्रिल : महाराष्ट्रात एप्रिलच्या सुरूवातीपासून बहुतांश भागात पाऊस होत आहे. दरम्यान राज्यात पुढचे चार दिवस पुन्हा वादळी वाऱ्यासह गारपीट होण्याची शक्यता हवामान विभागाने वर्तवली आहे. वादळी पावसासह राज्यातील तापमान वाढीचाही उच्चांक होत आहे. मागच्या 24 तासांत अकोला सोलापूर यासह मराठवाड्यातील अनेक जिल्ह्यात 40 च्या पुढे तापमान गेले आहे.
नाशिकसह उत्तर महाराष्ट्रात मागच्या काही दिवसांपासून वादळी पावसाने शेती पिकांचे मोठे नुकसान झाले आहे. दरम्यान मागच्या 24 तासांत मराठवाड्यातील बीड, उस्मानाबाद या जिल्ह्यात जोरदार पाऊस झाल्याने शेती पिकांचे मोठे नुकसान झाले आहे. मराठवाड्यात अनेक ठिकाणी वादळी वाऱ्यासह गारपिट झाली आहे. आज पुन्हा पाऊस होण्याची शक्यता आहे. मराठवाडा आणि मध्य महाराष्ट्रात वादळी पावसाबरोबरच गारपिटीचा ऑरेंज अलर्ट देण्यात आला आहे.
नागपूरकरांनो पाणी जपून वापरा, उद्या ‘या’ भागात शट डाऊन!
तुमच्या शहरातून (पुणे)
नाशिक, नगर, पुणे, परभणी, हिंगोली, नांदेड या भागात वादळी पाऊस, गारपिटीचा इशारा ऑरेंज अलर्ट देण्यात आला आहे. यामुळे या भागातील शेतकऱ्यांना सतर्क राहण्याचे आवाहन करण्यात आले आहे. याचबरोबर वादळी पावसाचा इशारा यलो अलर्ट पालघर, ठाणे, रायगड, मुंबई, रत्नागिरी, नंदूरबार, धुळे, जळगाव, सातारा, सोलापूर, कोल्हापूर, सांगली, छत्रपती संभाजीनगर, जालना, धाराशिव, बीड, लातूर, बुलढाणा, अमरावती, वाशीम, अकोला, वर्धा, यवतमाळ, नागपूर, भंडारा, गोंदिया, चंद्रपूर, गडचिरोली याभागात इशारा देण्यात आला आहे.
राज्यात गारपीट आणि वादळी पाऊस होऊनही कमाल तापमानात घट होत नाही. उन्हाचा चटका आणि उकाडाही कायम आहे. तसेच मागच्या 24 तासांत अकोला येथे राज्यातील उच्चांकी 40.3अंश सेल्सिअस तर सोलापूर येथे 40 अंश सेल्सिअस तापमानाची नोंद झाली. कोकण वगळता राज्यात बहुतांश ठिकाणी कमाल तापमान 35 ते 39 अंशांच्या दरम्यान आहे. कमाल तापमानात चढ-उतार होण्याची शक्यता आहे.
राज्यात मागच्या 24 तासांता पुणे 38.3 (22.2), नगर 38.4 (29.0), जळगाव 40.5 (25.2), कोल्हापूर 36.5 (22.6), महाबळेश्वर 31.2 (16.4), नाशिक 37.8(22.4), निफाड 39.5 (22.5), सांगली 37.6 (22.3), सातारा 37.6 (19.5), सोालापूर 40.0 (24.0), रत्नागिरी 32.5 (24.3), छत्रपती संभाजीनगर 38.2 (21.0), नांदेड 36.8 (20.4), परभणी 37.3 (22.8), अकोला 40.3 (22.0), अमरावती 36.8 (20.3), बुलडाणा 37.0 (22.0), चंद्रपूर 32.8 (20.4), गडचिरोली 34.4 (22.8), गोंदिया 36.5 (21.7), नागपूर 35.4 (21.5), वर्धा 38.0 (21.9), यवतमाळ 38.0 (19.0).
मराठी बातम्या, ब्रेकिंग न्यूज मराठीत सर्वात आधी News18 लोकमतवर.
आजच्या ताज्या बातम्या, लाइव्ह न्यूज अपडेट, सर्वात आधी वाचा विश्वासार्ह मराठी न्यूज वेबसाइट News18 लोकमतवर.
