पुणे, 19 एप्रिल : दिवसेंदिवस सोशल मीडियाची क्रेझ वाढत चालली आहे. प्रसिद्धी झोतात येण्यासाठी लहानांपासून मोठ्यापर्यंत सर्वच निरनिराळे फोटो व्हिडीओ शेअर करतात. सतत चर्चेत येण्यासाठी अनेकजण स्टंटदेखील करताना दिसतात जे काहीवेळा त्यांच्याच अंगलट येतात. सध्या सोशल मीडियावर प्रसिद्धीसाठी व्हिडीओ बनवणाऱ्या मुलींच्या राड्याचा व्हिडीओ समोर आलाय. ज्यामध्ये त्या जोरदार भांडण करत आहेत.
मुलींच्या हाणामारीची समोर आलेली घटना पुण्याची आहे. चित्रपटात शोभेल अशा पध्दतीने भर चौकात शाळकरी मुलींनी एका मुलीवर हल्ला चढवत केसांना धरुन ओढत नेत मारहाण केली. ज्या मुलीला मारहाण करण्यात आली ती मुलगी दिव्यांग होती. भेदरलेल्या अवस्थेत घरी आलेल्या मुलीला पाहून आई वडिलांना धक्का बसला. मुलींविषयी तक्रार दाखल झाल्यावर गैरसमजुतीतून या दिव्यांग मुलीला मारहाण केल्याचे त्यांनी सांगितले. पोलिसांनी या मुलींचे समुपदेशन करून या मुलींना सोडून दिलं.
तुमच्या शहरातून (पुणे)
हेही वाचा – त्रास देणाऱ्या व्यक्तीला शेळीने घडवली अद्दल, शिंगे पकडून पाडण्याचा करत होता प्रयत्न, पाहा Video
“राडा….कंपनी…गँगस्टर.. विषय करायचा नाय ताई” असे व्हिडिओ ला नाव देऊन व्हिडीओ व्हायरल शेअर केला होता. या मुलींनी आपली टोळी बनवली होती. एकत्रितपणे विविध ठिकाणांना भेटी देणे, वाढदिवस साजरे करणे, रील्स बनवणे, समाजमाध्यमावर फॉलोअर्स वाढवणे हे त्यांचे काम. व्हिडिओ शेयर करून आपली इमेज बनवतात. प्रसिद्ध होण्यासाठी या घटनेचे चित्रिकरण करुन सोशल मीडियावर व्हिडिओ व्हायरल केला होता.
पुण्यात शाळकरी मुलींमध्ये हाणामारी pic.twitter.com/IQKn3Q6heW
— sachin (@RamDhumalepatil) April 19, 2023
मराठी बातम्या, ब्रेकिंग न्यूज मराठीत सर्वात आधी News18 लोकमतवर.
आजच्या ताज्या बातम्या, लाइव्ह न्यूज अपडेट, सर्वात आधी वाचा विश्वासार्ह मराठी न्यूज वेबसाइट News18 लोकमतवर.
