नवी दिल्ली 21 मे : एका 31 वर्षांच्या महिलेनं एका मुलाला जन्म दिला. त्यानंतर महिलेला 90 दिवसांच्या तुरुंगवासाची शिक्षा सुनावण्यात आली आहे. कारण आहे तिच्या बाळाच्या वडिलांचं वय. महिलेनं तुरुंगात जाण्यास नकार दिला होता, तरीही आता ती तुरुंगात आहे. हे प्रकरण अमेरिकेतील कोलोरॅडो येथील आहे.
डेली मेलच्या वृत्तानुसार, महिलेनं ज्या बाळाला जन्म दिला आहे त्याचे वडील केवळ 13 वर्षांचे आहेत. हा मुलगा त्या महिलेला ‘आई’ म्हणून हाक मारायचा. तपासात असं आढळून आलं की, महिलेने या मुलासोबत शारीरिक संबंध ठेवले आणि त्यानंतर ती गरोदर राहिली. तिने आपला गुन्हा मान्य केला आहे. त्यानंतर तिला तीन महिन्यांच्या कारावासाची शिक्षा सुनावण्यात आली आहे.
धक्कादायक! पैसे नाही तर पत्नीवर लावला जुगाराचा डाव; खेळात हारला अन् पुढे भयानक घडलं
आंद्रिया सेरानो असं आरोपी महिलेचं नाव आहे. तिला गुरुवारी शिक्षा सुनावण्यात आली. यापूर्वी तिला 70,000 डॉलरच्या जातमुचलक्यावर जुलै 2022 मध्ये अटक करण्यात आली होती. पण नंतर तिची सुटका झाली. तेव्हा तिच्यावर अल्पवयीन मुलाच्या लैंगिक शोषणाचा गुन्हा दाखल करण्यात आला होता. तपासकर्त्यांचं म्हणणं आहे की, सेरानोने या मुलाशी संबंध ठेवल्याचं कबूल केलं आहे.
मार्चमध्ये सेरानोच्या वकिलाने फिर्यादींना करार करण्यास सांगितलं. ज्या अंतर्गत तिची लैंगिक अपराधी म्हणून नोंद झाली असती पण तिला तुरुंगवास टाळता आला असता आणि मे पर्यंत ती प्रोबेशनवर राहिली असती. या कराराच्या अटी मान्य करण्यासोबतच सेरानोला आता 90 दिवस तुरुंगात राहावं लागणार आहे. गेल्या वर्षी तिला अटक केल्यानंतर, सेरानोने 13 वर्षांच्या मुलाच्या बाळाला जन्म दिला. मूल अजूनही तिच्याच देखरेखीखाली आहे.
पीडित मुलगा आता 14 वर्षांचा आहे. त्याचा ताबा मिळावा यासाठी त्याचे कुटुंबीय न्यायालयात याचिका दाखल करण्याचा विचार करत आहेत. सेरानो आणि मुलगा यांच्यातील संबंधांची पुष्टी झालेली नाही. पण सेरानो त्याची सरोगेट मदर असल्याचं बोललं जात आहे. म्हणूनच तो तिला आई म्हणतो. मात्र तो तिच्यासोबत का आणि कधीपासून राहतो, ही माहिती अद्याप पोलिसांनी दिलेली नाही. पीडित मुलाच्या आईने सेरानोवर कठोर कारवाई करण्याची मागणी केली आहे.
मराठी बातम्या, ब्रेकिंग न्यूज मराठीत सर्वात आधी News18 लोकमतवर.
आजच्या ताज्या बातम्या, लाइव्ह न्यूज अपडेट, सर्वात आधी वाचा विश्वासार्ह मराठी न्यूज वेबसाइट News18 लोकमतवर.
