हिना आजमी, प्रतिनिधी
देहरादून, 8 मे : उत्तराखंडची राजधानी डेहराडूनमध्ये महिला सुरक्षित नाहीत, कारण येथे चंदीगड येथील तरुणीला लिफ्ट देण्याच्या बहाण्याने चालत्या कारमध्ये बलात्कार केल्याची घटना समोर आली आहे. गुन्हा केल्यानंतर आरोपी पीडितेला जंगलात सोडून पळून गेला. ही घटना क्लेमेंट टाऊन पोलीस ठाण्याच्या हद्दीतील आहे.
गेल्या शुक्रवारी तरुणीने पोलिस ठाण्यात तक्रार दिली होती. ती 30 एप्रिलला तिच्या मित्राचा वाढदिवस साजरा करण्यासाठी चंदीगडहून डेहराडूनला आली होती. 3 मे रोजी रात्री 9.30च्या सुमारास त्याच्या मित्राने त्याला शिमला बायपासवर सोडले. येथे मनीष कुमार (24 वर्षे) याने तिला कारमध्ये लिफ्ट दिली. मुलीला विश्वासात घेऊन मनीषने आपण आयएसबीटीमध्ये जात असून तिला तिथे सोडणार असल्याचे सांगितले. यानंतर मुलगी गाडीत बसली. पण आयएसबीटीवर कार थांबवण्याऐवजी मनीषने डेहराडून-दिल्ली हायवेवर भरधाव वेगाने कार चालवली. मुलीने विरोध केल्यावर आरोपीने तिला शांत बसण्याची धमकी दिली आणि काचा बंद करून कारचे दरवाजे बंद केले.
यानंतर मनीषने आशारोडीच्या जंगलात मुलीवर बलात्कार केला आणि त्यानंतर तिचा सर्व ऐवज आणि पैसे लुटून तिला जंगलात सोडून पळून गेला. पीडितेने कशीतरी संपूर्ण रात्र जंगलात घालवली. सकाळी तिने ISBT गाठून सर्व प्रकार तिच्या मैत्रिणीला सांगितला. यानंतर पीडितेने क्लेमेंट टाऊन पोलिस ठाण्यात लेखी तक्रार दिली.
डेहराडूनचे वरिष्ठ पोलिस अधीक्षक (एसएसपी) दलीप सिंह कुंवर यांनी सांगितले की, पीडितेच्या तक्रारीनुसार, कारवाई करत क्लेमेंट टाउन पोलीस स्टेशन आणि एसओजीची संयुक्त टीम तयार करण्यात आली आहे. पोलिसांनी आरोपीचा शोध सुरू केला आहे. पोलिसांनी घटनास्थळाचे सुमारे 150 सीसीटीव्ही फुटेज आणि घटनास्थळी येण्याचे मार्ग स्कॅन केले आहेत आणि निगराणीद्वारे आरोपी मनीषच्या वाहनाचा नंबर आणि त्याची माहिती गोळा केली आहे.
तसेच त्यांनी सांगितले की, शुक्रवारी आरोपीला उत्तर प्रदेशातील सहारनपूर जिल्ह्यातील खुशालीपूर बिहारीगड येथून अटक करण्यात आली. त्याच्याकडून पीडितेचे सर्व सामान जप्त करण्यात आले आहे. पोलिसांनी आरोपींना न्यायालयात हजर केल्यानंतर कारागृहात रवानगी केली आहे.
मराठी बातम्या, ब्रेकिंग न्यूज मराठीत सर्वात आधी News18 लोकमतवर.
आजच्या ताज्या बातम्या, लाइव्ह न्यूज अपडेट, सर्वात आधी वाचा विश्वासार्ह मराठी न्यूज वेबसाइट News18 लोकमतवर.
