मुंबई, 25 मे : सोलापूर स्ट्रीट हा मुंबईच्या वाडीबंदर परिसरातील अनेक धूळयुक्त उपमार्गांपैकी एक आहे. जवळच्या माझगाव डॉकयार्डमध्ये माल उतरवण्याकरिता येथे अनेक गोदामही आहेत. या गल्लीत छोट्या झोपडपट्ट्याही आहेत, ज्यामध्ये बहुतांश कामगार राहतात. यापैकी एक घर डॉकयार्डमध्ये कामगार पर्यवेक्षक म्हणून काम करणाऱ्या रमजान सय्यद यांचेही आहे. मंगळवारी त्यांच्या घरातील वातावरण जल्लोष आणि उत्साहाने भरलेले होते. कारण, त्यांचा धाकटा मुलगा मोहम्मद हुसैन याने 2022 मध्ये UPSC नागरी सेवा परीक्षा उत्तीर्ण केली आहे.
UPSC 2022 च्या निकालामुळे देशातील 933 तरुण आणि त्यांच्या कुटुंबीयांना आनंद झाला. परंतु मोहम्मद हुसेन यांचे हे यश विशेष उल्लेखनीय आहे कारण याठिकाणी पोहोचताना त्याने अनेक कठीण सामाजिक आणि आर्थिक अडथळ्यांचा सामना केला.
पाचव्या प्रयत्नात यश –
मोहम्मद हुसेन यांनाही गरीब आर्थिक परिस्थिती, जागेची कमतरता, घरात अभ्यासासाठी अनुकूल वातावरणाचा अभाव आणि नागरी सेवा परीक्षेबाबत सुरुवातीला फार कमी ज्ञान आणि आवश्यक मार्गदर्शन आणि संसाधनांचा सामना करावा लागला. या सर्व आव्हानांवर मात करत 27 वर्षीय मोहम्मदने पाचव्या प्रयत्नात अखिल भारतीय 570 रँकसह UPSC परीक्षा उत्तीर्ण करण्यात यश मिळवले.
मोहम्मद हुसेन सांगतो की, आयएएस होण्याचे स्वप्न त्याच्या मनात पहिल्यांदा जन्माला आले, जेव्हा तो वडिलांसोबत काही कामानिमित्त सरकारी कार्यालयात गेला होता. तो म्हणाला, या प्रवासात माझ्या कुटुंबाने मला नेहमीच साथ दिली. माझे लक्ष विचलित होऊ नये म्हणून घरगुती समस्यांपासून दूर राहण्याचाही प्रयत्न केला. हुसेन जेव्हा जेव्हा परीक्षेसाठी जायचे तेव्हा त्यांचे वडील त्यांच्यासोबत असायचे. वाडी बंदरच्या झोपडपट्टीत राहणारा मोहम्मद हुसेन त्याच्यासोबत त्याची आजी, आई-वडील, मोठा भाऊ आणि त्यांची पत्नी आणि मुले आहेत.
मोहम्मद हुसेन याचे आजोबा सरकारी सेवेत होते. पण त्याचे वडील कधीच शाळेत गेले नाहीत. डॉकयार्डमध्ये ट्रकमधून माल उतरवणे आणि भरण्याचे काम त्यांनी मजूर म्हणून केले. हळूहळू ते कामगार पर्यवेक्षक बनले. त्याचा भाऊही याठिकाणी कामाला आहे.
मराठी बातम्या, ब्रेकिंग न्यूज मराठीत सर्वात आधी News18 लोकमतवर.
आजच्या ताज्या बातम्या, लाइव्ह न्यूज अपडेट, सर्वात आधी वाचा विश्वासार्ह मराठी न्यूज वेबसाइट News18 लोकमतवर.
