मुंबई, 9 एप्रिल : आयपीएल 2023 मधील 13 व्या सामन्यात कोलकाता नाइट रायडर्स विरुद्ध गुजरात टायटन्स यांच्यात सामना पारपडला. अहमदाबाद येथील नरेंद्र मोदी स्टेडियमवर झालेल्या सामन्यात केकेआरने गुजरातचा 3 विकेट्सने पराभव केला. या सामन्यात केकेआरचा धाकडं फलंदाज रिंकू सिंह हा विजयाचा शिल्पकार ठरला. रिंकूने शेवटच्या ओव्हरमध्ये केकेआरच्या हाहातून निसटलेला सामना जिंकवून दिला आणि गुजरातला त्यांच्या होम ग्राऊंडमध्ये पराभवाचे पाणी पाजले.
केकेआर विरुद्ध गुजरात यांच्यात आज झालेल्या सामन्यात गुजरातने केकेआरला विजयासाठी 205 धावांचे आव्हान दिले होते. हे आव्हान पूर्ण करण्याच्या प्रयत्नात असताना केकेआरला 6 बॉलमध्ये 29 धावांची आवश्यकता होती. यावेळी क्रीजवर केकेआरचा स्टार फलंदाज रिंकू सिंह होता. सर्वांनाच हे आव्हान केकेआर पूर्ण करेल असे वाटत नव्हते. परंतु रिंकू सिंहच्या बॅटमधून शेवटच्या ओव्हरमध्ये सलग पाच गगनचुंबी सिक्स निघाले. यामुळे गुजरातने दिलेलं आव्हान केकेआर पूर्ण करू शकली.
RINKU !!!!!!!!! RINKU !!!!!!! RINKU !!!!!!! RINKU !!!!!!!!!!!!!!! Yeh kya tha !?!?!?! #IPLonStar #GTvsKKR @KKRiders #rinkusingh @StarSportsIndia
— Ranveer Singh (@RanveerOfficial) April 9, 2023
मराठी बातम्या, ब्रेकिंग न्यूज मराठीत सर्वात आधी News18 लोकमतवर.
आजच्या ताज्या बातम्या, लाइव्ह न्यूज अपडेट, सर्वात आधी वाचा विश्वासार्ह मराठी न्यूज वेबसाइट News18 लोकमतवर.
