मुंबई, 30 एप्रिल : खराब जीवनशैलीमुळे मधुमेह होतो. मधुमेह हे अनेक आजारांचे मूळ आहे. या आजारात रक्तातील साखरेची पातळी वाढते. हा एक अतिशय धोकादायक आजार आहे. यामुळे संपूर्ण जग त्रस्त आहे. जागतिक आरोग्य संघटनेच्या आकडेवारीनुसार, जगात 422 दशलक्षाहून अधिक लोक मधुमेहाने ग्रस्त आहेत. जेव्हा स्वादुपिंडात तयार होणारे इन्सुलिन कमी होते किंवा तयार होत नाही, तेव्हा ग्लुकोज रक्तात शोषले जाऊ शकत नाही आणि ते रक्ताच्या शिरामध्ये वाहत राहते.
इन्सुलिन स्वतः रक्तातील साखर शोषून घेते. जेव्हा इन्सुलिनची कमतरता असते, तेव्हा रक्तामध्ये सर्वत्र साखर वाढू लागते आणि त्याचा परिणाम लघवीवरही होतो. मधुमेहाचे पहिले लक्षण बहुधा लघवीच्या रंगात दिसून येते. लघवीचा रंग इतरही अनेक आजारांचे संकेत देत असला, तरी इतरही काही चिन्हे असतील तर ते मधुमेहाचे लक्षण आहे. या परिस्थितीत डॉक्टरांशी त्वरित संपर्क साधावा.
मुलांचा शारीरिक विकास हळू होतोय? या 2 भाज्या करतील जादू, उंचीही वाढेल!
मधुमेहाची लक्षणे
1. लघवीचा गढूळ रंग : हेल्थलाइनच्या बातमीनुसार, मधुमेहामुळे लघवीचा रंग हलका तपकिरी होतो. मधुमेहामुळे रक्तातील ग्लुकोजचे प्रमाण वाढते, जे संपूर्ण शरीरात पसरू लागते. ही साखर शेवटी लघवीद्वारे बाहेर पडू लागते. मात्र मूत्रपिंड रक्तातील साखर आणि इतर गोष्टी फिल्टर करते आणि लघवीद्वारे कचरा आणि अतिरिक्त द्रव काढून टाकते. पण रक्तातील साखरेचे प्रमाण जास्त असल्याने ते गाळता येत नाही. म्हणजे साखरेचे प्रमाणही लघवीत येते. यामुळेच लघवीचा रंग हलका तपकिरी होतो.
2. लघवीच्या वासात बदल : लघवीमध्ये साखरेचे प्रमाण जास्त असल्यास ग्लुकोजसारखा वास येऊ लागतो. म्हणजेच त्याचा वास फळांसारखा होऊ लागतो आणि गोड वासही येऊ लागतो. काही लोकांमध्ये या चिन्हाच्या आधारे हे समजू शकते की, त्याला मधुमेह आहे. लघवीमध्ये साखर असल्यास व त्याचा वास फळांसारखा येत असल्यास त्वरित डॉक्टरांशी संपर्क साधावा.
3. जास्त भूक : मधुमेहाच्या रुग्णांना लगेच भूक लागते. यासोबतच खूप थकवाही येतो. जास्त भूक लागत असेल, वारंवार तहान लागत असेल आणि वारंवार लघवी होत असेल तर व्यक्तीला मधुमेह होण्याची शक्यता जास्त असते. मधुमेहात हातापायांना मुंग्या येणे सुरू होते. त्यामुळे जर ही लक्षणे लघवीच्या रंगासोबत असतील तर तुम्हाला मधुमेह होण्याची दाट शक्यता असते. अशावेळी डॉक्टरांचा सल्ला घेणे आवश्यक आहे.
Back Pain : पाठदुखीची समस्या कायमची होऊ शकते दूर! फक्त करा हे 5 प्रभावी उपाय
(सूचना : या लेखात दिलेली माहिती आणि सूचना सामान्य माहितीवर आधारित आहेत. News 18 Marathi यांना दुजोरा देत नाही. यांची अंमलबजावणी करण्याआधी संबंधित तज्ज्ञाशी संपर्क करा.)
मराठी बातम्या, ब्रेकिंग न्यूज मराठीत सर्वात आधी News18 लोकमतवर.
आजच्या ताज्या बातम्या, लाइव्ह न्यूज अपडेट, सर्वात आधी वाचा विश्वासार्ह मराठी न्यूज वेबसाइट News18 लोकमतवर.
