साई रिसॉर्ट प्रकरणात अनिल परब यांना दिलासा; मोठी

रत्नागिरी, 9 मे : दापोली स्थित साई रिसॉर्ट प्रकरणात मोठी अपडेट समोर आली आहे. या प्रकरणी दाखल केलेल्या ईडीच्या आरोपपत्रातून आरोपी म्हणून शिवसेना ठाकरे गटाचे नेते अनिल परब यांचं नाव वगळण्यात आल्याची माहिती समोर येत आहे. हा अनिल परब यांच्यासाठी मोठा दिलासा मानला जात आहे. जरी परब यांचं नाव आरोपी म्हणून आरोपपत्रात नसलं तरी देखील या आरोपपत्रात अनिल परब यांच्या नावाचा वारंवार उल्लेख आला आहे. त्यामुळे या प्रकरणात ईडी पुरवणी आरोपपत्र दाखल करणार असल्याची माहिती समोर येत आहे.

तपास सुरू असल्याची माहिती

तपास अद्याप सुरू असल्याचं या आरोपपत्रात ईडीने म्हटलं आहे. या प्रकरणात जयराम देशपांडे आणि सदानंद कदम हे ईडीच्या अटकेत आहेत. तर दुसरीकडे सुधीर शांताराम परदुले, विनोद दिपोलकर, सुरेश तुपे, अनंत कोळी यांच्या नावांचाही आरोपपत्रात समावेश करण्यात आला आहे. अनिल परब यांना मुंबई उच्च न्यायालयानं 12 जूनपर्यंत अटकेपासून संरक्षण दिलेलं आहे.

तुमच्या शहरातून (मुंबई)

साई रिसॉर्ट प्रकरणात सोमय्यांचे गंभीर आरोप

दरम्यान काही दिवसांपूर्वी याच प्रकरणात भाजप नेते किरीट सोमय्या यांच्याकडून गंभीर आरोप करण्यात आले होते. अनिल परब यांचे साई रिसॉर्ट हे बेकायदेशीर आहे. तसेच या रिसॉर्टच्या बांधकामात काळ्या पैशांचा वापर केल्याचा आरोप सोमय्या यांनी केला आहे. सोमय्या यांच्या आरोपानंतर अनिल परब चांगलेच अडचणीत आले होते.

मराठी बातम्या, ब्रेकिंग न्यूज मराठीत सर्वात आधी News18 लोकमतवर.
आजच्या ताज्या बातम्या, लाइव्ह न्यूज अपडेट, सर्वात आधी वाचा विश्वासार्ह मराठी न्यूज वेबसाइट News18 लोकमतवर.