रविकांत कुमार(मधेपुरा), 11 मे : तुम्ही कधी विचार केला आहे का 2 रुपयाचे रोप लावून भरपूर पैसे मिळतात. जर तुम्ही विचार केला नसेल तर आज आम्ही तुम्हाला 2 रुपयांच्या रोपाचे वैशिष्ट्य सांगणार आहे. हे रोप दुसरे तिसरे कोणते नसून पपईचे रोप आहे. पपईचे रोप अवघ्या दोन रुपयांना बाजारात उपलब्द आहे.
प्रत्यक्षात फलोत्पादन विभागामार्फत पपईच्या लागवडीला फलोत्पादन पिकांतर्गत प्रोत्साहन दिले जात आहे. पपईची लागवड करून शेतकरी चांगला नफा मिळवू शकतात, असा विश्वास फलोत्पादन विभागाने व्यक्त केला आहे. शेतकऱ्यांना प्रोत्साहन देण्यासाठी सरकार पपई लागवडीवर 75 टक्के अनुदानही देत आहे.
रोज बदलत्या हवामानात कशी घेणार पिकांची काळजी? हवामान विभागानं दिल्या महत्त्वाच्या Tips
फलोत्पादन अधिकारी किरण भारती यांनी दिलेल्या माहितीनुसार, बिहारच्या मधेपुरा जिल्ह्यात पपई लागवडीसाठी मोठी संधी आहे. सध्या मधेपुरा जिल्ह्यातील उदकिशूनगंज उपविभागांतर्गत आलमनगर आणि चौसा परिसरातील शेतकरी याचा लाभ घेत आहेत. जिल्ह्यातील ज्या शेतकऱ्यांना पपईची लागवड करायची आहे, त्यांना फलोत्पादन विभागातर्फे 1 एकरमध्ये 1000 रोपे दिली जातात.
त्यावर त्यांना 75 टक्के अनुदानही देण्यात येणार आहे. या भागात रेड लेडी जातीच्या पपईची लागवड केल्याचे त्यांनी सांगितले. पण तैवान जातीचीही इथे लागवड करता येते. रेड लेडी जाती कमी वेळेत जास्त फळ देतात. एका झाडापासून 30 ते 40 किलो फळ मिळते. रोपे खरेदी करताना उद्यान विभाग प्रति रोप 6.50 रुपये आकारतो. पण 1 वर्षानंतर तो त्याच्या खात्यात 4.50 रुपये परत करतो अशी माहिती अधिकाऱ्यांनी दिली.
मुख्यमंत्री फलोत्पादन अभियानांतर्गत ही योजना राबविण्यात येत असल्याचे त्यांनी सांगितले. या योजनेचा लाभ घेण्यासाठी तुम्ही फलोत्पादनाच्या वेबसाइटद्वारे ऑनलाइन अर्ज करू शकता. याशिवाय जे शेतकरी नोंदणीकृत आहेत ते त्यांच्या किसान भवनातून किंवा त्यांच्या जवळच्या CSC केंद्रातून ऑनलाइन अर्ज करू शकतात.
अहो आश्चर्यम्!, शेतकऱ्यानं चमत्कारच केला! एकाच आंब्याच्या झाडावर पिकवले तब्बल 14 प्रकारचे आंबे
अर्जासाठी जमिनीची कागदपत्रे, पावती आणि शेतकरी नोंदणी क्रमांकासह आधार कार्डची प्रत जोडावी लागेल. ऑनलाइन अर्ज आल्यानंतर पडताळणी करून विभागाकडून मागणीनुसार शेतकऱ्यांना रोपे उपलब्ध करून दिली जाणार आहेत.
मराठी बातम्या, ब्रेकिंग न्यूज मराठीत सर्वात आधी News18 लोकमतवर.
आजच्या ताज्या बातम्या, लाइव्ह न्यूज अपडेट, सर्वात आधी वाचा विश्वासार्ह मराठी न्यूज वेबसाइट News18 लोकमतवर.
