22 देशांमध्ये धुमाकूळ घातलेला कोरोनाचा नवा व्हेरिएंट भारतात; लक्षणंही वेगळी

नवी दिल्ली 14 एप्रिल : भारतात कोरोनाचे रुग्ण झपाट्याने वाढत आहेत. प्रत्येक दिवसागणिक आकड्यांचा वेग भयावह आहे. गेल्या 24 तासांत 10 हजारांहून अधिक रुग्णांची नोंद झाली आहे. आश्चर्याची गोष्ट म्हणजे 6 एप्रिल रोजी 5335 कोरोना रुग्ण आढळले होते. म्हणजे अवघ्या 7 दिवसात केसेसची संख्या जवळपास दुप्पट झाली आहे. वाढत्या प्रकरणांच्या पार्श्वभूमीवर रुग्णालयांना हाय अलर्टवर ठेवण्यात आलं आहे आणि अनेक राज्यांमध्ये मास्क अनिवार्य झालं आहे. मात्र आता भारतासाठी आणखी एक चिंता वाढवणारी बातमी समोर आली आहे.

कोरोनाचा एक धोकादायक व्हेरिएंट भारतात पाय पसरत आहे. या प्रकाराचं नाव आर्कटुरस (Arcturus) आहे. हा प्रकार क्रॅकेन प्रकारापेक्षा 1.2 पट वेगाने पसरतो. आता जाणून घ्या आर्कटुरस म्हणजे काय, त्याची लक्षणे, प्रतिबंध आणि उपचार पद्धती.

आर्कटुरस हा आतापर्यंतचा सर्वात वेगाने पसरणारा प्रकार असल्याचं म्हटलं जात आहे. हे Omicron च्या 600 पेक्षा जास्त उप-प्रकारांचा एक भाग आहे. वास्तविक Omicron च्या XBB.1.16 उप-प्रकारचे नाव आर्कटुरस आहे. अमेरिकेतील अनेक राज्यांव्यतिरिक्त 22 देशांमध्ये हा प्रकार आढळून आला आहे. या प्रकाराने या देशांमध्ये कहर केला आहे. भारतात या व्हेरिएंटची सर्वाधिक प्रकरणं आहेत. गेल्या एका महिन्यात या व्हेरिएंटच्या प्रकरणांमध्ये 13 पटीने वाढ झाली आहे. काही WHO अधिकाऱ्यांनी याला व्हेरिएंट ऑफ कन्सर्न म्हटलं आहे.

डब्ल्यूएचओच्या मते, या व्हेरिएंटच्या मुलांमध्ये दिसणारी लक्षणे इतर कोणत्याही प्रकारात दिसली नाहीत. जास्त ताप, डोळ्यांना खाज आणि चिकटपणा, गुलाबी डोळे आणि खोकला ही त्याची लक्षणं आहेत. विषाणूची लक्षणं बदलली आहेत की नाही, हे आताच सांगणं घाईचं ठरेल असं तज्ज्ञांचं म्हणणं आहे. कंजंक्टिवाइटिस हा एक पसरणारा डोळ्यांचा आजार आहे, ज्याचं वर्णन कोरोनाचं नवीन लक्षण म्हणून केलं जात आहे.

ही लक्षणं कोणामध्ये दिसली तर प्रथम स्वतःला वेगळं करा. कोरोना चाचणी करून घ्या. मात्र, बदलत्या हंगामामुळे फ्लूच्या रुग्णांमध्ये वाढ झाली आहे. त्याची लक्षणंही कोरोनासारखीच आहेत. हे शक्य आहे की तुम्हाला फक्त फ्लू आहे. त्यामुळे डॉक्टरांच्या सल्ल्याशिवाय कोणतंही औषध घेऊ नका. याशिवाय सार्वजनिक ठिकाणी जाणं टाळा, सतत हात धुवा, मास्क घाला आणि सामाजिक अंतर पाळा.