मागील दोन वर्षात कोरोना महामारी संकटामुळे अनेकांचा रोजगार बुडाला. अशा निराशाजनक संकटातून मार्ग काढून संसाराचा गाडा हाकण्यात मोलाचा वाटा उचलनाऱ्या मातृशक्तीच्या श्रमाला तोड नाही. मनात जिद्द आणि हृदयात स्वाभिमान या दोन्ही शस्त्रांच्या भरोशावर उज्वल आयुष्याची गाठ बांधणाऱ्या महिलांना चंद्रपूर जिल्हा मध्यवर्ती बँकेच्या वतीने उपलब्ध करून दिलेला वित्त पुरवठा व बचत गटाच्या माध्यमातून ग्रामीण महिलांनी घेतलेली उंच भरारी हे यश मागचे खरे कारण असून बचत गटाच्या माध्यमातून ग्रामीण महिलांना आर्थिक उन्नतीची प्रेरक चालना मिळाली.
संसाराची जबाबदारी जरी पुरुषांची असली तरी माञ संसाराची मूळ अर्थिक पायाभरणी हि महिलांच्या काटकसरीच्या बचतीनेच होते.आज महिलांना आर्थिक उन्नतीसाठी विशेष अर्थसहाय्य बँकेच्या मार्फतीतून बचत गटाच्या माध्यमाने सहज उपलब्ध होत असल्याने ग्रामीण भागातील अवैध सावकारीचा मुळापासून पाया बंद झाल्याचे दिसून येते. जिल्ह्यातील अनेक महिलांनी बचत गटाच्या माध्यमातून रोजगार उभारला आहे. या प्रेरणादायी चळवळीत चंद्रपूर जिल्हा मध्यवर्ती सहकारी बँकेचा मोलाचा वाटा असून मी लोकप्रतिनिधी या नात्याने उपस्थित बचत गटांच्या महिलांकरिता व्यवसायिक प्रशिक्षण शिबिराचे आयोजन करून प्रशिक्षित महिलांसाठी रोजगाराची संधी उपलब्ध करून देणार अशी ग्वाही देखील यावेळी दिली.
या प्रसंगी कार्यक्रमाचे अध्यक्ष म्हणून संतोषसिंह रावत, प्रमुख अतिथी म्हणून उपाध्यक्ष यशवंत दिघोरे, मुख्य कार्यकारी अधिकारी राजेश्वर कल्याणकर, संचालक दामोधर मिसार, ललित मोटघरे,प्रकाश बनसोड, सुचित्रा ठाकरे, प्रभाकर सेलोकर, स्मिता पारधी, योगिता आमले, वनिता अलगदेवे,प्रफुल खापर्डे व ब्रम्हपुरी विभागातील बँकेचे अधिकारी, कर्मचारी,तसेच बचत गटाच्या महीला बहुसंख्येने उपस्थित होत्या.याप्रसंगी हजारोंच्या संख्येने बचत गट महिलांची लक्षणीय उपस्थिती होती.
