ब्रम्हपुरीला विद्यानगरी म्हणून संबोधले जाते,या विद्यानगरीत आवश्यक सर्व शैक्षणिक सोयीसुविधा उपलब्ध व्हाव्यात यासाठी आपण नेहमीच प्रयत्न करीत असतो. आपण सर्व विद्यार्थ्यांनी ब्रम्हपुरीचे नाव मोठे करावे हीच माझी इच्छा असुन माझ्या ब्रम्हपुरी विधानसभा क्षेत्रातून मोठ्या प्रमाणात प्रशासकीय अधिकारी घडले पाहिजे यासाठी आम्ही प्रयत्नशील आहोत.
ब्रम्हपुरी शहरात २२ हजार फुटांची मोठी ई-लायब्ररी निर्माणाधीन असुन लवकरच सदर लायब्ररी सुरू होणार आहे. समस्या सर्वांना येत असतात त्यामुळे निराश न होता समस्येला तोंड देऊन जीवनात यशस्वी होता येते. माझ्या सुध्दा आयुष्यात अनेक संकटे आली परंतु मी कधीच हार न मानता लढत राहीलो. गेल्या २६ वर्षांपासून मी आमदार म्हणून सतत निवडुन येत आहे. चेहऱ्याच्या सुंदरतेपेक्षा विचारांची सुंदरता फार महत्वाची आहे. कारण चेहऱ्याची सुंदरता वयोमानानुसार बदलत जाते. मात्र सुंदर विचार हे आयुष्यात नेहमीच श्रेष्ठ ठरत असतात. धन चोरता येते पण ज्ञान चोरता येत नाही. जिथं दुख आहे, वेदना आहेत तिथं विजय वडेट्टीवार सदैव आपल्या पाठीशी आहे. माणसाच्या सेवेत खरा देव आणि धर्म असुन माणसाच्या सेवेमध्ये खरे पुण्य लाभत असते. विद्यार्थ्यांनो आयुष्यात संकटे आली तर रडत न बसता लढत राहा आणि ब्रम्हपुरीचे नाव फार मोठे करा.
कार्यक्रमाला प्रमुख वक्ते म्हणून डॉ.विनोद आसुवानी, नेवजाबाई हीतकारीणी शिक्षण संस्थेचे सचिव अशोक भैय्या, माजी जि.प. सदस्य प्रमोद चिमुरकर, माजी जि.प. सदस्या स्मिताताई पारधी, माजी पं.स. सदस्य थानेश्वर कायरकर, नगरसेवक डॉ. नितीन उराडे, नगरसेवक हितेंद्र राऊत, महीला काँग्रेसच्या तालुकाध्यक्ष मंगलाताई लोनबले, महीला काँग्रेसच्या शहराध्यक्षा योगिताताई आमले, ने.ही. महाविद्यालयाचे प्राचार्य डॉ. गहाणे, ने.ही. महाविद्यालयाचे उपप्राचार्य डॉ शेकोकर, विनोद नरड यांची यावेळी उपस्थिती होती.
