बंगळुरू, 19 एप्रिल : सनरायजर्स हैदराबादविरुद्ध मुंबई इंडिनयन्सने १५ धावांनी विजय मिळवला. या सामन्यात आय़पीएलमधील दुसराच सामना खेळत असलेल्या अर्जुन तेंडुलकरने त्याची पहिली वहिली विकेट अखेरच्या षटकात घेतली आणि मुंबईच्या विजयावर शिक्कामोर्तबही केलं. अर्जुन तेंडुलकरने भुवनेश्वर कुमारला बाद करून त्याची पहिली विकेट घेतली. या विजयानंतर मुंबई इंडियन्सने केलेल्या कामगिरीचं कौतुक करताना मास्टर ब्लास्टर सचिन तेंडुलकरने मुलाच्या पहिल्या विकेटवरही आनंद व्यक्त केला.
शेवटच्या षटकात विजयासाठी हैदराबादला २० धावा हव्या होत्या. त्यावेळी मुंबई इंडियन्सचा कर्णधार रोहित शर्माने चेंडू अर्जुनच्या हाती सोपवला. या षटकात टिच्चून मारा करताना अर्जुन तेंडुलकरने फक्त पाच धावा दिल्या. मुंबई इंडियन्सकडून अखेरच्या षटकात अर्जुन तेंडुलकरने पाचव्या चेंडुवर भुवनेश्वर कुमारला झेलबाद केलं. रोहित शर्माने भुवनेश्वर कुमारचा झेल घेतला आणि हैदराबादचा संघ ऑलआऊट झाला. यंदाच्या हंगामातील मुंबईचा हा सलग तिसरा विजय ठरला.
A superb all-round performance by Mumbai Indians once again. Cameron Green impressed with both bat & ball. Ishan & Tilak’s batting is as good as it gets! The IPL is getting more interesting every day. Great going boys!💙
And finally a Tendulkar has an IPL wicket!😛#SRHvMI pic.twitter.com/e4MAFEZyjY
— Sachin Tendulkar (@sachin_rt) April 18, 2023
मराठी बातम्या, ब्रेकिंग न्यूज मराठीत सर्वात आधी News18 लोकमतवर.
आजच्या ताज्या बातम्या, लाइव्ह न्यूज अपडेट, सर्वात आधी वाचा विश्वासार्ह मराठी न्यूज वेबसाइट News18 लोकमतवर.
