मुंबई, 14 मे: आज भारतीय शालेय प्रमाणपत्र परीक्षा परिषदेने (CISCE) 10वी, 12वीचा म्हणजेच ICSE बोर्डाचा निकाल जाहीर केला आहे. बोर्डाच्या अधिकृत संकेतस्थळावर निकाल जाहीर करण्यात आला आहे. दहावीत एकूण 98.94 टक्के विद्यार्थी उत्तीर्ण झाले आहेत. या परीक्षेत बसलेले विद्यार्थी CISCE बोर्डाच्या cisce.org किंवा cisceresult.in या वेबसाइटला भेट देऊन त्यांची मार्कशीट ऑनलाइन तपासू शकतात.
इयत्ता 10वीमध्ये 53.92 टक्के मुले आणि 46.08 टक्के मुली उत्तीर्ण झाल्या आहेत. यावर्षी, इयत्ता 10 वी साठी ICSE बोर्ड परीक्षा 2023 27 फेब्रुवारी ते 25 मार्च 2023 दरम्यान आयोजित करण्यात आली होती, तर इयत्ता 12 (ISC) परीक्षा 13 फेब्रुवारी ते 31 मार्च 2023 या कालावधीत घेण्यात आली होती. 10वी आणि 12वी बोर्ड परीक्षा 2023 मध्ये बसलेले विद्यार्थी CISCE च्या अधिकृत वेबसाइटला भेट देऊन त्यांचे निकाल थेट पाहू शकतात. बोर्ड लवकरच कंपार्टमेंट परीक्षांचे वेळापत्रकही जाहीर करेल. जून 2023 मध्ये पुरवणी परीक्षा आयोजित केली जाऊ शकते.
SSC-HSC Result: दहावी-बारावीचे निकाल कधी? बोर्डाने दिली महत्त्वाची माहिती
याप्रमाणे ICSE निकाल 2023 पहा
निकाल पाहण्यासाठी प्रथम cisce.org या अधिकृत वेबसाइटवर जा.
वेबसाइटच्या होम पेजवर CISCE ICSE निकाल 2023 च्या लिंकवर जा.
पुढील पानावर ICSE बोर्ड निकाल तपासा या लिंकवर क्लिक करा.
यानंतर तुमचा रोल नंबर आणि रोल कोड टाका.
निकाल उघडेल.
ते तपासा आणि प्रिंट काढा.
CBSE 10th Result 2023 Announced : दहावीचा निकाल जाहीर, ऑनलाईन इथे चेक करा
ICSE निकाल 2023 पुनर्मूल्यांकन संधी
निकालासोबतच विद्यार्थ्यांना गुणपत्रिका पुन्हा तपासण्याचा पर्यायही देण्यात आला आहे. मंडळाच्या वतीने 14 मे ते 21 मे या कालावधीत तुम्ही पुन्हा तपासणीसाठी नोंदणी करू शकता. त्यासाठी वेबसाइट आणि शाळेची मदत घ्यावी लागणार आहे. आणि जे विद्यार्थी ICSE 2023 च्या गुणांवर समाधानी नाहीत. तो पुन्हा तपासणीसाठी अर्ज करू शकतो. ही सुविधा आज दुपारी 3 वाजल्यापासून 21 मे 2023 पर्यंत उपलब्ध असेल. या संदर्भात अधिक माहितीसाठी विद्यार्थी अधिकृत वेबसाइटला भेट देऊ शकतात.
मराठी बातम्या, ब्रेकिंग न्यूज मराठीत सर्वात आधी News18 लोकमतवर.
आजच्या ताज्या बातम्या, लाइव्ह न्यूज अपडेट, सर्वात आधी वाचा विश्वासार्ह मराठी न्यूज वेबसाइट News18 लोकमतवर.
